88,1 stigi meira gagnsæi

B Corp – Sjálfbærnivottun sem stendur fyrir gagnsæi í viðskiptum

Við erum fyrsta tungumálaþjónustufyrirtækið á Norðurlöndum sem fær B Corp-vottunina. Það er okkur heiður að fá að vera í liði með Patagonia, Rituals og yfir 9.000 öðrum sjálfbærum fyrirtækjum sem geta skipt sköpum.

B Corp er alþjóðleg sjálfbærnivottun sem veitt er fyrirtækjum sem standast strangt mats- og staðfestingarferli sem framkvæmt er af óháðu stofnuninni B Lab. Í þessu ferli eru ýmsir þættir í rekstri fyrirtækisins metnir ítarlega, þar á meðal starfsmannastefna, stjórnarhættir og félagsleg og umhverfisleg áhrif.

Vottun á sanngjörnum og gagnsæjum starfsháttum

Viðskiptamódel fyrirtækja með B-vottun grundvallast á því að skapa verðmæti fyrir alla hagsmunaaðila, ásamt því að skila fjárhagslegum hagnaði. Vottunarferlið hefst með því að fyrirtæki uppfærir samþykktir sínar með það fyrir augum að endurspegla tilgang þess: skapa jákvæða niðurstöðu fyrir alla hagsmunaaðila og samfélagið, auk þess að skapa verðmæti fyrir eigendur sína.

Fimm undirstöður sjálfbærni

Í B Corp-vottun eru áhrif fyrirtækis mæld á fimm sviðum og þrjú þeirra varða sérstaklega félagsleg áhrif, fólk og samfélag. Það sem greinir B Corp frá öðrum ESG-vottunum er heildræn nálgun sem felst í að meta heildarárangur og -áhrif fyrirtækisins í stað þess að einblína eingöngu á einstakar vörur eða þjónustu.

Hjá Youpret höfum við mikil og jákvæð áhrif á samfélagið þar sem markmið okkar hverfist um að koma því fólki til aðstoðar sem er berskjaldaðast í samfélaginu.

Phone

Viðskiptavinir

Við stuðlum að því að allir í Finnlandi hafi jafnan aðgang að nauðsynlegri þjónustu, óháð tungumálakunnáttu. Við styðjum opinber yfirvöld í því að þjónusta fólk sem ekki talar tungumál samfélagsins.

Phone

Samfélag

Við tryggjum vinnutækifæri fyrir víðtækt túlkanet okkar, þar á meðal á afskekktum svæðum, í gegnum nýsköpunartækni okkar. Við styðjum túlkana í starfi sínu og bjóðum upp á tækifæri til náms og þróunar í starfi. Við leggjum áherslu á virkni í nærsamfélaginu og ábyrgjumst stuðning við fjölbreytta hagsmunaaðila í samfélaginu okkar.

Phone

Samfélag

Við byggjum upp fjölbreyttan og styðjandi vinnustað þar sem allir geta notið sín. Við erum stolt af Youpret-tækninni okkar, sem gefur fólkinu okkar meiri tíma til að sinna mikilvægari verkum.

Phone

Starfsfólk

Við beitum gagnsæjum og sanngjörnum starfsvenjum gagnvart öllum hagsmunaaðilum og samþættum félagsleg málefni og umhverfismál við alla daglega ákvarðanatöku.

Phone

Umhverfi

Þrátt fyrir að umhverfisáhrif okkar séu lítil leggjum við okkur fram um að bæta orkunýtingu, nota auðlindir skynsamlega og lágmarka kolefnisfótspor okkar, til dæmis við þróun á tæknilausnum Youpret.

Hvar getum við haft mest áhrif?

Youpret var stofnað til að koma því fólki til aðstoðar sem er berskjaldaðast í samfélaginu. Við hjálpum innflytjendum að fá aðgang að nauðsynlegri þjónustu á móðurmáli sínu þegar ekkert sameiginlegt tungumál er í boði.

Á hverjum degi bjóðum við upp á yfir 1200 túlkunarlotum sem tengjast málefnum innflytjenda, atvinnulífi, heilbrigðisþjónustu, félagsþjónustu, barnaskólum og skólum. Kjarninn í þessu starfi er Youpret-túlkurinn, sem gerir viðskiptavinum og opinberum aðilum kleift að eiga mikilvæg samtöl.

Youpret-tæknin okkar gerir okkur kleift að veita túlkaþjónustu á áreiðanlegan hátt, hvenær og hvar sem þörf krefur, sem færir túlkunum okkar atvinnutækifæri milliliðalaust.

Hvers vegna vildum við fá B Corp-vottun?

Gagnsæi og sanngirni hafa verið meðal grunngilda Youpret allt frá stofnun fyrirtækisins og þróun túlkunarappsins okkar byggir á þeim gildum. Þess vegna höfum við falið óháðum sérfræðingum að meta starfsemi okkar.

Markmið okkar er að vera besti vinnuveitandinn á okkar sviði, sanngjarnasti samstarfsaðilinn og vandaðasta tungumálaþjónustan. Þessi vottun gerir okkur kleift að greina betur þau svið sem við viljum bæta. Sjálft umsóknarferlið eitt og sér færði okkur ný verkfæri til að auka sjálfbærni okkar. Þú getur lesið meira um vegferð okkar til að verða B Corp-vottað fyrirtæki í þessu bloggi

Í „sjálfbærnifrumskóginum“ getur stundum verið erfitt að greina hvaða fyrirtæki eru raunverulega sjálfbær og hver eru það aðeins í orði kveðnu. Í vottunarferli B Corp eru raunverulegar starfsvenjur fyrirtækis og þau markmið sem eru samþætt við viðskiptalíkön þess metin og þeim gefin stig.

Við fengum 88,1 stig í vottunarferlinu og fórum því yfir 80 stiga markið. Þú getur skoðað einkunnir okkar á mismunandi sviðum á vefsvæði B Corp. Þessi stigagjöf gefur okkur trausta undirstöður til enn frekari þróunar, með enn ríkari ábyrgð að takmarki.

Heildarstigafjöldi fyrir B-áhrifasvið

Hækkum rána í sameiningu!

Allt frá upphafi höfum við lagt okkur fram um að gera hlutina á sanngjarnan hátt. En hvað þýðir sanngirni fyrir okkur?

Það þýðir að skapa störf á afskekktum svæðum með fjartúlkun og skilvirkri tækni, ásamt því að greiða sanngjörn laun á gagnsæjan hátt. Það þýðir að tryggja að enginn sé einn á báti—hjálp er alltaf innan handar. Það þýðir að stuðla að aukinni færni og þekkingu. Það þýðir að bjóða upp á aðgengilega hágæðaþjónustu og tafarlausa aðstoð þegar þörf er á.

Það er skiljanlegt að verð sé ráðandi þáttur þegar illa árar. Við teljum þó mikilvægt að huga vandlega að sanngirni fyrirtækja í rekstri og veitingu þjónustu við val á þjónustuveitanda. Þeir sem hafa kost á því að velja, hafa einnig kost á því að setja ákveðnar kröfur. Hækkum rána í sameiningu og stuðlum að sanngjarnara samfélagi fyrir öll.

Við höfum einsett okkur að vinna stöðugt að því að auka sjálfbærni okkar í rekstri

Verkefninu er ekki lokið. Vottunarferli B Corp hefur hjálpað okkur að bera kennsl á hvar við getum gert betur.

Við höfum birt fyrstu sjálfbærniskýrslu okkar þar sem fjárhagsár Youpret 2023–2024 er greint út frá sjálfbærnisjónarmiðum. Í skýrslunni tilgreinum við einnig markmið okkar fyrir komandi ár. Gakktu til liðs við okkur í átt að aukinni sjálfbærni!

Lesa meira