Gakktu til liðs við túlkahóp Youpret

Njóttu sveigjanlegs og sjálfstæðs vinnufyrirkomulags

Þú skipuleggur dagskrána þína og getur einbeitt þér alfarið að því að túlka á meðan við sjáum um restina. Hvort sem þú ert að leita að fullu starfi eða sveigjanlegu hlutastarfi býður Youpret upp á fyrirkomulag sem hentar þínum þörfum. Túlkar Youpret vinna að mestu leyti í fjarvinnu. Þeir geta þó einnig valið um að taka að sér túlkun á staðnum.

Við erum sjálfbært fyrirtæki á sviði tungumálaþjónustu og veitum öllum umsækjendum okkar tækifæri, óháð einstaklingsbundnum þáttum. Hér geturðu kynnt þér viðleitni okkar til sjálfbærni nánar.

Allt sem þú þarft til að byrja að túlka er:

Símanúmer

Youpret-forritið

Hljóðlátt rými til að sinna vinnunni

Við leitum að túlkum hvaðanæva að innan Evrópusambandsins og Evrópska efnahagssvæðisins.

Youpret er eitt af stærstu túlkafyrirtækjum Evrópu. Sem stendur bjóðum við upp á túlkaþjónustu á yfir 120 tungumálum og við erum sífellt að bæta fleiri tungumálum við.

Um þessar mundir leitum við einna helst að einstaklingum sem geta túlkað eftirfarandi tungumál:

Ensku
Rúmensku
Eistnesku
Úkraínsku

Arabísku
Lettnesku
Pólsku

Portúgölsku
Litháísku
Spænsku

Hvers við væntumst til af umsækjendum

Umsækjendur þurfa að búa yfir framúrskarandi kunnáttu í móðurmáli sínu sem og íslensku eða ensku. Þeir þurfa einnig að hafa hlotið menntun á sviði tungumála eða hafa reynslu af túlkun eða þýðingum. Við tökum hins vegar tillit til sértækra þarfa og eftirspurnar eftir tungumálum þegar við veljum úr umsækjendum svo ekki hika við að sækja um jafnvel þótt þú uppfyllir ekki allar kröfurnar!

Túlkar hjá Youpret starfa í flestum tilfellum sem undirverktakar í gegnum sín eigin fyrirtæki, einstaklingsrekstur eða reikningakerfi (t.d. Truster eða Kontó).

Nemendum sem hafa áhuga á að starfa sem túlkar eða þýðendur í framtíðinni er einnig velkomið að sækja um.

Fylltu út umsóknareyðublaðið. Þegar þú hefur sent inn umsóknareyðublaðið búum við til umsækjendaprófíl fyrir þig sem þú getur notað til að hlaða upp viðeigandi skjölum.

Ráðningarsérfræðingar okkar, sem eru sérhæfðir í túlkun, munu fara yfir umsóknina þína og láta þig vita ef þér býðst að taka þátt í næsta áfanga.

Fjarviðtal verður tekið við þá umsækjendur sem koma til greina, fyrst og fremst í formi myndsímtals.

Samþykktir umsækjendur skrifa undir þjónustu- og trúnaðarsamning og fá leiðbeiningar um notkun Youpret-forritsins. Túlkareikningurinn þinn verður svo virkjaður.

Þá getur þú skráð þig inn í Youpret-forritið og hafist handa!

Loforð okkar til túlka okkar

Sem túlkur hjá Youpret gegnirðu lykilhlutverki í að hjálpa fólki að skilja hvort annað í aðstæðum þar sem sameiginlegt tungumál er ekki fyrir hendi. Sveigjanleg og sjálfstæð fjarvinna veitir þér frelsi til að skipuleggja vinnutímann þinn. Við erum túlkum okkar ávallt innan handar og hvetjum þá til að efla kunnáttu sína til að stuðla að vaxandi, sjálfbæru túlkasamfélagi okkar. Við erum einstaklega stolt af Youpret-forritinu okkar, sem gerir túlkum okkar kleift að einbeita sér alfarið að túlkastarfinu á meðan við sjáum um allt hitt.